Skip to main content
EnglishCymraeg

Gweithio gydag Oedolion

“Mae’r swydd mor wobrwyol achos rydym yn gallu gweld ein bod ni’n gwneud gwahaniaeth mawr i’w bywydau.”
Izzy Evren, Myfyriwr Iechyd a Gofal Cymdeithasol


Gall gweithio gydag oedolion mewn gofal cymdeithasol fod yn heriol. Ond, i’r person cywir, gall fod yn hynod o werth chweil.

Gweithiwch mewn gofal cymdeithasol i fod yn help i’ch cymuned.

Gweithio gydag oedolion

Mae 65 o swyddi gwahanol ar gael yn gweithio gydag oedolion, o ofal uniongyrchol i oruchwylwyr tîm. Felly, beth bynnag yw’ch cefndir neu eich sgiliau presennol, mae’n siŵr y bydd rhywbeth i chi.

Cliciwch ar y lleoliadau isod i ddysgu mwy.

Cartrefi Gofal


Cartrefi gofal, a elwir yn gartrefi gofal preswyl hefyd, yw cartrefi lle mae oedolion yn gallu byw gyda’r gofal a’r cymorth ychwanegol a allai fod ei angen arnynt.

Dysgu mwy

Gwasanaethau Cymdeithasol


Mae gwasanaethau cymdeithasol yn bodoli i ddarparu cymorth sy’n canolbwyntio ar wella lles teuluoedd, plant, oedolion a gofalwyr.

Dysgu mwy

Gwasanaethau Gofal Cartref


Mae Gwasanaethau Gofal Cartref yn cynnig amrywiaeth eang o ofal a chymorth i bobl sy’n byw yn eu cartrefi eu hunain.

Dysgu mwy

Straeon go iawn gan bobl go iawn

Ydych chi’n barod am yr her? Dysgwch fwy o’r astudiaethau achos isod.

Mark Pearson
Rheolwr Hyfforddiant Craidd

Cafodd Mark ei annog i weithio yn y sector gan ffrind ar ôl colli diddordeb yn ei waith fel pobydd. Symudodd ymlaen yn gyflym o waith cymorth i hyfforddi staff newydd, ac yn ddiweddar cwblhaodd ddiploma mewn gofal i gynnig cymorth mwy uniongyrchol i oedolion sydd ag anableddau dysgu a phroblemau iechyd meddwl.

Dysgu mwy

Mair Aubrey
Rheolwr Gwasanaeth

Yn fwy na dim, mae Mair eisiau sicrhau bod y bobl y mae hi’n gweithio gyda nhw yn gallu byw eu bywydau gystal â phosib. Dechreuodd Mair ar ei thaith ofalu fel gweithiwr cymorth ac mae wedi cwblhau dau gymhwyster wrth weithio. Mae hi nawr yn rheoli staff mewn cartref gofal i oedolion anabl, gan sicrhau bod ei thenantiaid yn cael y gofal a’r cymorth cywir.

Dysgu mwy

Swyddi gwag mewn gofal

Mae Cymru angen mwy o weithiwyr gofal cymdeithasol.

Mae llawer o bobl sy’n gweithio ym maes gofal cymdeithasol wedi neidio o swyddi fel lletygarwch neu fanwerthu. Defnyddiwch eich sgiliau trosglwyddadwy a gwnewch gais nawr.

Chwilio